Guðrún Dalía Salómonsdóttir hóf píanónám 9 ára gömul hjá Steinunni Steindórsdóttur í Tónmenntaskólanum í Reykjavík og nam síðar við Tónlistarskólann í Reykjavík undir handleiðslu Guðríðar St. Sigurðardóttur. Ásamt píanónáminu lærði hún í nokkur ár á slagverk í Tónlistarskóla FÍH. Árið 2003 fékk Guðrún Dalía Erasmus styrk til að stunda nám hjá Wan Ing Ong við Staatliche Hochschule für Musik und darstellende Kunst í Stuttgart. Að skiptiárinu loknu hélt hún áfram námi við sama skóla og lauk þaðan prófi í sumar.
      Guðrún Dalía hefur leikið á ýmsum námskeiðum, m.a. hjá Thérese Dussaut, Diane Andersen, Thomas Böckeler, Klaus Kaufmann og Shoshönu Rudiakov. Í nóvember síðastliðnum vann hún til fyrstu verðlauna í píanókeppni EPTA í Salnum í Kópavogi. Á undanfönum árum hefur Guðrún Dalía leikið á fjölmörgum tónleikum á Íslandi og í Þýskalandi, bæði sem einleikari, í píanódúói og ýmsum kammerhópum, m.a. Kammersveitinni Ísafold. Á þessu ári hefur hún haldið tvenna einleikstónleika í Stuttgart, en þessir tónleikar í Listasafni Sigurjóns eru fyrstu einleikstónleikar hennar hér á landi.

Guðrún Dalía Salómonsdóttir began piano studies in Reykjavík at the age of nine with Steinunn Steindórsdóttir and Guðríður St. Sigurðardóttir. In 2003 she received an Erasmus scholarship to study one year at Staatliche Hochschule für Musik und darstellende Kunst Stuttgart, where Wan Ing Ong was her teacher. She continued studying at the same school and will graduate in June 2007.
       Salómonsdóttir has performed in masterclasses for Thérese Dussaut, Diane Andersen, Thomas Böckeler, Klaus Kaufmann and Shoshana Rudiakov. In November 2006, she won first prize in Iceland’s EPTA competition. She has given concerts in Iceland and Germany, both as a soloist, in piano duos and with various chamber groups. This year she has already given two solo concerts in Stuttgart, but this is her first solo concert in Iceland.