Sumartónleikar Listasafns Sigurjóns Ólafssonar 2008

Á efnisskrá Steinunnar og Sofiu á tónleikunum á þriðjudaginn eru meðal annas sönglög eftir Franz Schubert við ljóð Goethes, lög úr ljóðaflokknum Des Knaben Wunderhorn eftir Gustav Mahler og sönglög eftir Richard Strauss.

Steinunn og Sofia eru báðar fæddar árið 1983 og kynntust í Síbelíusarakademíunni í Helsinki. Þær hafa unnið saman í rúm tvö ár og í október 2007 hlutu þær fyrstu verðlaun í ljóðasöngsflokki Erkki Melartin kammertónlistarkeppninnar í Savonlinna í Finnlandi.

Steinunn Soffía Skjenstad lýkur mastersgráðu í söng frá Síbelíusarakademíunni í Helsinki í sumar en hefur stundað tónlistarnám frá því hún hóf að læra á fiðlu 6 ára gömul. Hún stundaði söngnám við Listaháskóla Íslands hjá Elísabetu Erlingsdóttur, en hefur einnig sótt námskeið m.a. hjá Udo Reinemann, Elly Ameling og Julius Drake. Steinunn fór með hlutverk Fiordiligi í Così fan tutte eftir W.A. Mozart í Óperustúdíói Íslensku Óperunnar í vor.

Finnski píanistinn Sofia Wilkman stundar framhaldsnám við Síbelíusarakademíuna í Helsinki þar sem aðalkennarar hennar eru Teppo Koivisto og Ilmo Ranta. Sofia hefur í námi sínu lagt sérstaka áherslu á flutning kammer- og ljóðasöngstónlistar og komið víða fram á tónleikum í Finnlandi með Wellentríóinu, píanótríói sem hún hefur leikið með síðan 2003 og hlaut Kees Wiebenga-verðlaunin sem besti flytjandi á Kammertónlistarhátíðinni í Kuhmo sumarið 2006.

Hægt er að ná í Steinunni Soffíu í símum 552-5570 og 692 6209 vegna viðtals og myndatöku.

Prenthæf ljósmynd af tónlistarfólkinu: http://www.lso.is/tonl/08-07-22-SS.jpg
Heildardagskrá sumartónleikanna: http://www.lso.is/tonl_i.htm

Ábyrgðarmaður fréttatilkynningar:
Steinunn Þórhallsdóttir,
Listasafni Sigurjóns Ólafssonar,
sími 553 2906
www.lso.is