Listasafn Sigurjóns Ólafssonar

Listasafn Sigurjóns Ólafssonar (LSÓ) er sjálfseignarstofnun með eigin stjórn og sem að baki stendur 12 manna sjálfstætt fulltrúaráð.

Eignir safnsins eru frumverk Sigurjóns Ólafssonar, vinnuskissur, teikningar, skráningargögn (bréf, ljósmyndir, blaðaúrklippur og greinar um Sigurjón og einnig eldri sýningarskrár), verkfæri listamannsins og fasteignir á Laugarnesi sem Birgitta Spur hefur afhent sjálfseignarstofnuninni að gjöf, auk lagers sölumuna og annars sem safnið hefur eignast.

Safnið er sjálfseignarstofnun og starfar samkvæmt skipulagsskrá sem dómsmálaráðuneytið samþykkti 30. nóvember 1989. Tilgangi og markmiðum stofnunarinnar er þar lýst, og einnig því hvernig þeim skuli náð.

Meginþættir í starfsemi LSÓ:

að varðveita og halda við listaverkum Sigurjóns Ólafssonar og öðrum eigum safnsins.
að kynna list Sigurjóns Ólafssonar hérlendis sem erlendis með sýningum, skólakynningum og útgáfustarfsemi.
að rannsaka list Sigurjóns Ólafssonar og tengja hana liststraumum samtímans.
að gefa út, og halda við heildarskrá listaverka Sigurjóns Ólafssonar (Catalogue raisonné).
að tengja starfið í listasafninu öðrum listgreinum eftir því sem við verður komið.
að stuðla að verndun náttúrulegu umhverfi safnsins og búsetulandslagi á Laugarnesi.

Forstöðumaður í fullu starfi sér um allan almennan rekstur ásamt starfsmanni sem m.a. sér um húsvörslu og bókhald. Á sumrin er fengið gæslufólk í tímavinnu. Í maí eða júní ár hvert er haldinn sameiginlegur fundur með stjórn safnsins og fulltrúaráði og heitir hann aðalfundur sjálfseignarstofnunarinnar.

Meginviðfangsefni aðalfundar er:

Forstöðumaður leggur fram skýrslu um starfsemi stofnunarinnar liðið ár
Reikningshaldari leggur fram endurskoðaða ársreikninga stofnunarinnar fyrir liðið almanaksár
Umræða og samþykkt ársskýrslu og ársreikninga
Kjör í fulltrúaráð og stjórn

Síðasti aðalfundur safnsins var haldinn 21. júní 2010.
Nú sitja í stjórn safnsins: Birgitta Spur forstöðumaður, Hlíf Sigurjónsdóttir fiðluleikari, Æsa Sigurjónsdóttir listfræðingur, Guðrún Agnarsdóttir læknir og Vikar Pétursson verkfræðingur. Karólína Eiríksdóttir og Geirfinnur Jónsson eru varamenn.

Fulltrúaráð LSÓ skipa: Sigmundur Guðbjarnason formaður, Pétur Guðmundsson varaformaður, Anna Einarsdóttir, Ágúst Einarsson, Björg Þorsteinsdóttir, Gísli Sigurðsson, Guðrún Agnarsdóttir, Guðrún Pétursdóttir, Karólína Eiríksdóttir, Kolbrún Halldórsdóttir, Vikar Pétursson og Vilhjálmur H. Vilhjálmsson. Árni Snæbjörnsson, löggiltur endurskoðandi hjá Ernst & Yong endurskoðar reikninga safnins.

Hér má nálgast Ársskýrslur Listasafnsins á pdf formi:

haust 1988 - 1990
Er að leita að 1991-1993 á tölvutæku formi.
1993 - maí 1994
maí 1994 - maí 1995
maí 1995 - maí 1996
maí 1996 - maí 1997
maí 1997 - maí 1998
maí 1998 - maí 1999
maí 1999 - maí 2000
maí 2000 - maí 2001
maí 2001 - maí 2002
maí 2002 - maí 2003
maí 2003 - maí 2004
maí 2004 - maí 2005
maí 2005 - maí 2006
maí 2006 - maí 2007
júní 2007 - júní 2008
júní 2008 - maí 2009
júní 2009 - júní 2010

Hér má nálgast skipulagsskrá safnins (pdf)
Hér má nálgast grunnteikningu af neðri hæð safnsins (pdf)
Hér má nálgast grunnteikningu af efri hæð safnsins (pdf)
Hér má nálgast tæknilegar upplýsingar um safnið á ensku (pdf)