Haustdagskrá 2023
| Listasafn Sigurjóns Ólafssonar stendur fyrir röð menningarviðburða − tónleikum, flutningi hljóðrita og kynningum á sögulegu efni − í sal safnsins á Laugarnesi, vetur/vor og haust. Viðburðirnir bera keim af sumartónleikunum, eru um klukkustundar langir á þriðjudagskvöldum, en hefjast klukkan 20:00. Boðið er upp á kaffi í kaffistofu safnsins á eftir þar sem rabba má við flytjendur. | ||
| Þriðjudaginn 3. október kl. 20:00 |
|
Saga saumuð á langan refil Reynir Tómas Geirsson fyrrverandi prófessor og yfirlæknir segir frá hinum fræga refli frá Bayeux, sem saumaður var á elleftu öld. Refillinn er rúmlega 70 metra langur og myndefnið er eins konar myndasaga sem endar á orrustunni við Hastings í Englandi árið 1066, þegar innrásarlið frá Normandí réðst inn í England. |
| Þriðjudaginn 10. október kl. 20:00 |
 |
Njálurefillinn Sköpunarsagan í máli og myndum Kristín Ragna Gunnarsdóttir, teiknari og rithöfundur, segir frá gerð Njálurefilsins sem hún hannaði og teiknaði. Njálurefillinn er rúmlega 90 metra langur með teikningum sem byggja á Njálssögu. Hann er saumaður með refilsaumi í anda hins fræga Bayeux-refils. Hugmyndina að Njálureflinum áttu þær Christina Bengtsson og Gunnhildur Kristjánsdóttir og fjöldi manns tók þátt í að sauma hann á Hvolsvelli. |
| Þriðjudaginn 17. október kl. 20:00 |
 |
Tónleikar Hildigunnur Einarsdóttir mezzósópran og Guðrún Dalía Salómonsdóttir píanóleikari Ravel − Satie − Bizet − Messiaen − Duparc − Saint-Saens Kafað er ofan í hljóðheima franskrar tónlistar, allt frá dularfullum síðrómantískum sönglögum Duparcs yfir í nýrri hljóðheima Messiaen. Rúsínan í pylsuendanum eru svo aríur Carmen og Dalilu. Hildigunnur og Guðrún Dalía hafa unnið farsællega saman í áratug og hafa meðal annars lagt áherslu á flutning íslenskrar tónlistar, gjarnan í nýrri kantinum. |
| Sunnudaginn 21. október kl. 20:00 |
 |
Tónleikar Hlíf Sigurjónsdóttir fiðluleikari og Carl Philippe Gionet píanóleikarieikari Á efnisskránni eru Fiðlusónata í B dúr K 454 eftir W.A. Mozart, Sónata í c moll fyrir fiðlu og píanó ópus 45 eftir Edvard Grieg og Scherzo-Tarantella eftir Henryk Wieniawski. |
| Þriðjudaginn 24. október kl. 20:00 |
 |
Einleikstónleikar Kanadíski píanóleikarinn Carl Philippe Gionet leikur einleiksverk fyrir píanó. Frönsk svíta númer 2 í c moll BWV 183, Towers eftir Schelly Washington, Remembering Schubert eftir Ann Southam og að lokum sjö spunaverk sem hann samdi í ár. |
| Þriðjudaginn 31. október kl. 20:00 |
 |
Lútutónleikar Sergio Coto Blanco lútuleikari Tónlist frá endurreisnartímanum, meðal annars eftir John Dowland. |
| Þriðjudaginn 7. nóvember kl. 20:00 |
 |
Nína Margrét Grímsdóttir píanóleikari. Fræðsludagskrá um Árna Thorsteinsson tónskáld. |