Vikulegir sumartónleikar í Listasafni Sigurjóns Ólafssonar hefjast í 22. sinn næsta þriðjudagskvöld og standa út ágúst. Tónleikaröðin var fyrst haldin sumarið 1989 og voru þá einu reglulegu tónleikarnir í Reykjavík yfir sumartímann. Hljóðfæraleikarar og söngvarar hafa ávallt sóst eftir að fá að halda tónleika í sal safnsins sem hentar sérlega vel fyrir söng og kammertónlist. Í sumar verða haldnir átta tónleikar og, sem endranær, er dagskráin vönduð og fjölbreytt.

Á fyrstu tónleikunum leikur MMX blásaratríóið sem hljóðfæraleikarar úr Sinfóníuhljómsveit Íslands skipa, þeir Peter Tompkins óbóleikari, Einar Jóhannesson klarinettuleikari og Rúnar H. Vilbergsson fagottleikari. Tríóið nefna þeir eftir stofnári þess, 2010. Þremenningarnir flytja verk eftir Mozart, Benjamin Britten, Jacques Ibert og Beethoven.

Söngvarar skipa stóran sess í sumar og ber að nefna tenórsöngvarann Benedikt Kristjánsson sem syngur við meðleik Sergio Coto-Blanco gítarleikara frá Costa Rica, en þeir stunda báðir nám við Hanns Eisler tónlistarháskólann í Berlín. Tónleikar þeirra verða 20. júlí. Kristín R. Sigurðardóttir sópran og Hólmfríður Jóhannesdóttir mezzó-sópran syngja Suðrænar aríur og dúetta ásamt píanóleikaranum Antoníu Hevesi þann 3. ágúst og viku síðar munu hinar vinsælu söngkonur SOPRANOS - Hörn Hrafnsdóttir, Margrét Grétarsdóttir og Svana Berglind Karlsdóttir - flytja dagskrá sína Kossar og Kansónur ásamt Hólmfríði Sigurðardóttur píanóleikara.

Þann 24. ágúst gefst tónleikagestum kostur á að hlýða á fiðluleik Evu Mjallar Ingólfsdóttur sem mest hefur starfað erlendis og er búsett í Bandaríkjunum. Hún mun flytja einleiksverk eftir J.S. Bach, Ysaÿe og Astor Piazzolla.

Þrír hópar hljóðfæraleikara halda tónleika í safninu eftir að hafa dvalið við æfingar og haldið tónleika í menningarsetrinu Selinu á Stokkalæk hjá Ingu Ástu og Pétri Hafstein. Þann 27. júlí flytja Mathias Susaas Halvorsen píanóleikari, fiðluleikararnir Eygló Dóra Davíðsdóttir og Magnus Boye Hansen, Mischa Pfeiffer lágfiðluleikari og Þorgerður Edda Hall sellóleikari, píanókvintetta eftir Nikolai Medtner og Wolfgang Korngold. Sigríður Ósk Kristjánsdóttir mezzosópran sem býr í London og Ástríður Alda Sigurðardóttir píanóleikari halda tónleika 17. ágúst sem bera yfirskriftina Skandinavískir tónar - tan da ra dei! Á lokatónleikum sumarsins, 31. ágúst, koma fram Arngunnur Árnadóttir klarinettuleikari, Joaquin Páll Palomares fiðluleikari og Hákon Bjarnason píanóleikari, en þau eru öll við framhaldsnám í Berlín, og leika þau verk eftir Leif Þórarinsson, Stravinsky og Béla Bartók.

Allir tónleikar hefjast kl. 20:30 og standa í um klukkustund. Að tónleikum loknum er kaffistofan opin og einnig er hægt að skoða verk Sigurjóns Ólafssonar á efri hæð safnsins.

Ítarlegar upplýsingar um tónleikaröðina má finna á heimasíðu safnsins: www.LSO.is

---

Um fyrstu tónleikana sérstaklega:

---

Listasafn Sigurjóns þriðjudagskvöld 13. júlí 2010 kl. 20:30 Miðasala við innganginn Aðgangseyrir kr. 1500 Tekið er við greiðslukortum Sigurjón Ólafsson Museum, Reykjavík Tuesday evening, July, 13 2010 at 20:30 Admission ISK 1500 - at the entrance. Credit cards accepted Where is the museum?

Rúnar, Einar og Peter

Smellið á myndina til að fá prenthæfa mynd Hér má ná í pdf útgáfu af efnisskrá tónleikanna Nánari upplýsingar um tónleikana veitir Einar Jóhannesson; einarjoh(hjá)ismennt.is

Peter Tompkins óbóleikari fæddist á Englandi og lauk einleikaraprófi frá Royal College of Music og tónlistarkennaraprófi frá Royal Academy of Music í Lundúnum. Peter fluttist til Íslands árið 1988 og hefur síðan tekið virkan þátt í tónlistarflutningi hér á landi, bæði sem einleikari og flytjandi hljómsveitar-, óperu-, leiklistar-, kammer- og kirkjutónlistar. Hann hefur einnig komið fram á tónleikum víða erlendis, meðal annars í Evrópu og Bandaríkjunum.
    Peter hefur setið í stjórn Félags íslenskra tónlistarmanna, verið formaður Bach-sveitarinnar í Skálholti og hann er einn af stofnfélögum Íslenska saxófónkvartettsins. Árið 2000 var hann útnefndur heiðurslaunþegi menningarsjóðs Garðabæjar. Hann leikur með Sinfóníuhljómsveit Íslands og kennir á óbó og saxófón við Tónlistarskóla Hafnarfjarðar.

Einar Jóhannesson klarinettuleikari lærði hjá Gunnari Egilson í Tónlistarskólanum í Reykjavík og lauk þaðan einleikaraprófi árið 1969. Þá hélt hann til náms við Royal College of Music í Lundúnum hjá Bernard Walton og John McCaw og þar vann hann til Frederick Thurston verðlaunanna. Árið 1979 hlaut hann Sonning verðlaun ungra norrænna einleikara og hélt þá til frekara náms hjá Walter Boeykens í Frakklandi.
    Einar hefur komið fram sem einleikari og hljóðritað fyrir fjölda útvarps- og sjónvarpsstöðva í Evrópu, Asíu, Bandaríkjunum og Ástralíu. Hann hefur gegnt stöðu sólóklarínettuleikara við Sinfóníuhljómsveit Íslands frá 1980, er stofnfélagi Blásarakvintetts Reykjavíkur og leikur með Kammersveit Reykjavíkur. Einar er einnig félagi í miðaldasönghópnum Voces Thules.

Rúnar H. Vilbergsson stundaði nám í fagottleik hjá Sigurði Markússyni við Tónlistarskólann í Reykjavík og lauk þaðan einleikaraprófi árið 1979. Þaðan lá leiðin til Amsterdam í framhaldsnám hjá Joep Terwey við Sweelinck Conservatorium.
    Rúnar hefur leikið með ýmsum hópum hljóðfæraleikara og hljómsveitum, meðal annars Kammersveit Reykjavíkur, Hljómsveit Íslensku Óperunnar og Hinum Íslenska Þursaflokki. Hann hefur verið fastráðinn fagottleikari hjá Sinfóníuhljómsveit Íslands frá 1988 og er nú sólófagottleikari sveitarinnar.

Summer concert in Sigurjón Ólafsson Museum July 13 at 20:30

Trio MMX. Peter Tompkins oboe, Einar Jóhannesson clarinet and Rúnar H. Vilbergsson bassoon.
Music for woodwinds. Divertimento in B flat major, KV Anh. 229/439b no. 2 by Wolfgang Amadeus Mozart; Six Metamorphoses after Ovid op. 49 by Benjamin Britten; Cinq pièces en trio by Jacques Ibert and Duo for clarinet and bassoon by Ludwig van Beethoven.

Peter Tompkins was born in England and studied the oboe at the Royal Academy of Music in London where he received his graduate and teaching diplomas. He obtained a soloist diploma from the Royal College of Music in London. Since moving to Iceland in 1988 he has taken part in a wide variety of concerts both in Iceland and abroad in Europe and the USA, as a soloist and an instrumentalist, in orchestras, operas, theatres, chamber- and church music.
    Peter is a founder member of the Iceland Saxophone Quartet, he is a past manager of the Skálholt Bach Consort and has been on the directing board of the Icelandic Soloists' Society (FÍT). Peter was awarded an honorary cultural grant for the year 2000 from the town of Garðabær. He is a member of the Iceland Symphony Orchestra and teaches the oboe and saxophone at Hafnarfjörður Music School.

Einar Jóhannesson studied the clarinet at the Reykjavík College of Music and continued with Bernard Walton and John McCaw at the Royal College of Music in London, where he won the coveted Frederick Thurston Prize. In 1979 he was awarded the prize for young Nordic soloists by the Sonning Foundation in Copenhagen.
    Einar has appeared as soloist and chamber music player throughout Europe, Asia, America and Australia, often presenting pieces specially written for him by Icelandic composers. He is the principal clarinet player of the Iceland Symphony Orchestra, a founder member of the Reykjavík Wind Quintet and a member of the Reykjavík Chamber Orchestra. He also sings in the male vocal ensemble Voces Thules, specializing in medieval Icelandic church music. He has recorded for the Merlin, Chandos and BIS labels.

Rúnar H. Vilbergsson studied the bassoon with Sigurður Markússon at the Reykjavík College of Music where he obtained his soloist diploma in 1979. He continued with post-graduate studies at the Sweelinck Conservatory in Amsterdam where his teacher was Joep Terwey.
    Rúnar has performed with a large variety of orchestras and instrumental ensembles including the Reykjavík Chamber Orchestra, Icelandic Opera Orchestra and the rock group Þursaflokkurinn. He is the principal bassoon player of the Iceland Symphony Orchestra.