Vor og vetrardagskrá 2024
| Síðustu tónleikar vordagskrár | ||
| Þriðjudaginn 14. maí kl. 20:00 |
 |
Íslensk sönglög fyrr og síðar Jón Þorsteinsson tenór ásamt píanóleikara. Sönglög Jóns Ásgeirssonar og fleiri íslenskra tónskálda. |
| Fyrri tónleikar: |
Laugardaginn 3. og sunnudaginn 4. febrúar kl. 20:00 Tvennir tónleikar. |
 |
Þura Þura Sigurðardóttir söngkona ásamt söngvurunum Berglindi Björku Jónasdóttur og Sigurði Helga Pálmasyni bjóða upp á notalega tónlist við undirleik Láru Bryndísar Eggertsdóttur píanóleikara, Hlífar Sigurjónsdóttur fiðluleikara, Bjarna Sveinbjörnssonar kontrabassaleikara og Péturs Grétarssonar slagverksleikara. Flutt verða verk sem spanna yfir hundrað ár í sögu tónlistarinnar, allt frá Edward Elgar til Braga Valdimars. |
| Þriðjudaginn 6. febrúar kl. 20:00 |
 |
Saga saumuð á langan refil Reynir Tómas Geirsson fyrrverandi prófessor og yfirlæknir segir frá hinum fræga refli frá Bayeux, sem saumaður var á elleftu öld. Refillinn er rúmlega 70 metra langur og myndefnið er eins konar myndasaga sem endar á orrustunni við Hastings í Englandi árið 1066, þegar innrásarlið frá Normandí réðst inn í England. |
| Þriðjudaginn 13. febrúar kl. 20:00 |
 |
Njálurefillinn Sköpun hans í máli og myndum Kristín Ragna Gunnarsdóttir, teiknari og rithöfundur, segir frá gerð Njálurefilsins sem hún hannaði og teiknaði. Refillinn er rúmlega 90 metra langur með teikningum sem byggja á Njálssögu og er saumaður með refilsaumi í anda hins fræga Bayeux-refils. Hugmyndina að Njálureflinum áttu þær Christina Bengtsson og Gunnhildur Kristjánsdóttir og fjöldi manns tók þátt í að sauma hann á Hvolsvelli. |
| Þriðjudaginn 20. febrúar kl. 20:00 |
 Freyr, Hlíf, Martin og Þórdís Gerður |
Flautukvartettar Mozarts Freyr Sigurjónsson flauta, Hlíf Sigurjónsdóttir fiðla, Martin Frewer víóla og Þórdís Gerður Jónsdóttir selló. Fluttir verða allir fjórir flautukvartettar Mozarts, en þrjá þeirra samdi hann í Mannheim veturinn 1777−78, og hinn fjórða áratug síðar. Mannheim verkin samdi hann eftir pöntun fyrir áhugamannakvartett og eru þeir ekki eins margslungnir og mörg önnur verk hans, en engu að síður yndisleg, hljómmikil, glettin og krefjandi fyrir öll hljóðfærin. |
|
Þriðjudaginn 27. febrúar kl. 20:00 |
|
Sigvaldi Kaldalóns Nína Margrét Grímsdóttir píanóleikari og Gissur Páll Gissurarson tenór. Dagskrá í tali og tónum um eitt vinsælasta tónskáld þjóðarinnar Sigvalda Kaldalóns. Á tónleikunum verða flutt meðal annars perlur Sigvalda; Þú eina hjartans, Svanasöngur á heiði, Þótt þú langförull legðir og Ég lít í anda liðna tíð. Einnig mun listafólkið flytja valda texta um hið áhugaverða líf og listsköpun Sigvalda sem starfaði að meginhluta sem læknir á landsbyggðinni um árabil. |
| Þriðjudaginn 19. mars kl. 20:00 |
 |
Frá Svartárkoti til Huldu á Skútustöðum,
með viðkomu í Stafnsholti Viðar Hreinsson tengir saman alþjóðleg umhverfishugvísindi og þjóðleg fræði landsbyggðarinnar í spjalli um vegferð frá verkefninu Svartárkot, menning − náttúra sem hófst árið 2007, til hins nýstofnaða náttúruhugvísindaseturs Huldu sem starfrækt er á Skútustöðum í Mývatnssveit. Spjallið verður kryddað með sögum af Helga Jónssyni frá Stafnsholti á Fljótsheiði sem kalla má merkasta óþekkta höfund íslenskra bókmennta. |
| Þriðjudaginn 26. mars kl. 20:00 |
 |
Söngtónleikar Sólrún Bragadóttir sópran og Jón Sigurðsson píanóleikari. Úrval sönglaga frá síðrómantíska tímanum, meðal annars Ljóðaflokkur ópus 90 eftir Jean Sibelius. Einnig sönglög eftir Reynaldo Hahn, Henri Duparc, Hugo Wolf, Richard Strauss, Ernest Chausson og Francis Poulenc. |
| Þriðjudaginn 9. apríl kl. 20:00 |
 |
Duo Landon Brot úr þriggja alda sögu fiðludúósins Hlíf Sigurjónsdóttir og Martin Frewer fiðluleikarar. Tvíleikur á fiðlu er rótgróin hefð í mið-Evrópu en á sér ekki langa sögu hérlendis. Flutt verða fiðludúó freftir Jean-Marie Leclair og Charles Auguste de Bériot og íslensk fiðludúó eftir Þorkel Sigurbjörnsson, Hildigunni Rúnarsdóttur og Martin Frewer ásamt nokkrum Þingeyskum fiðlulögum sem Páll H. Jónsson skráði og Martin útsetti fyrir fiðludúó. |
|
Þriðjudaginn 16. apríl kl. 20:00 FRESTAÐ TIL HAUSTS |
 |
Páll Ísólfsson Dr. Nína Margrét Grímsdóttir píanóleikari fjallar um dr. Pál Ísólfsson orgelleikara og tónskáld, en doktorsritgerð hennar frá City University of New York „The Piano Works of Páll Ísólfsson (1893-1974) − A Diverse Collection“ (2010) er tileinkuð píanóverkum hans. Leikin verða verk eftir tónskáldið meðal annars af völdum hljóðritunum úr safni RÚV og mun Nína Margrét segja frá rannsóknarvinnu sinni við þetta brautryðjandi verkefni í íslenskri tónlistarsögu. |
Tvennir aukatónleikar Fimmtudaginn 18. apríl og föstudaginn 19. apríl kl. 20:00 |
|
Þura Þura Sigurðardóttir söngkona ásamt gestum. Íslensk og erlend lög sungin við íslenska söngtexta sem allir kannast við og spanna hundrað ár í sögu tónlistarinnar. Efnisskrá að mestu sú sama og á tónleikum Þuru í febrúar, ögn vorlegri. Fram koma: Þura, Berglind Björk Jónasdóttir, Sigurður Helgi Pálmason, Lára Bryndís Eggertsdóttir, Hlíf Sigurjónsdóttir, Bjarni Sveinbjörnsson og Péturs Grétarsson. |
| Þriðjudaginn 23. apríl kl. 20:00 |
 |
Einleikstónleikar Ítalski píanóleikarinn Sebastiano Brusco leikur perlur úr heimi klassísku tónlistarinnar, Sónötu númer 12 eftir Mozart, Drei Klavierstücke eftir Schubert og þrjú af píanóverkum Chopins. |