Fréttatilkynning frá Listasafni Sigurjóns Ólafssonar (English below) Ábyrgðarmaður: Geirfinnur Jónsson Listasafni Sigurjóns Ólafssonar Sími 553 2906 netfang: LSO@LSO.IS Tónleikasíða safnins (ísl) (ens) er uppfærð vikulega og t.d. eru settar krækjur í efnisskrár tónleikanna þegar þær eru tilbúnar.

Sumartónleika- bæklingur 2011

Listasafn Sigurjóns þriðjudagskvöld 9. ágúst 2011 kl. 20:30 Miðasala við innganginn og í síma 553 2906 á skrifstofutíma. Aðgangseyrir kr. 2000. Tekið er við greiðslukortum. Hvar er safnið?

Sigríður Ósk og Hrönn

Hér má ná í pdf útgáfu af efnisskrá tónleikanna þegar hún er tilbúin. Nánari upplýsingar um efnisskrá tónleikanna veitir Sigríður Ósk í síma 841 8211

„Norrænir tónar - tan da ra dei!“
Sigríður Ósk Kristjánsdóttir mezzo-sópran og Hrönn Þráinsdóttir píanóleikari á næstu sumartónleikum Listasafns Sigurjóns á þriðjudagskvöldið.
Fluttar verða íslenskar söngperlur, sönglög eftir Jean Sibelius og Carl Sjöberg og hinn vinsæli söngbálkur Edvards Grieg op. 48, 'Sex sönglög' sem hann samdi við jafnmörg ljóð sem öll fjalla um ástina.

Að loknu áttunda stigi í söng og píanókennaraprófi frá Tónlistarskólanum í Reykjavík nam Sigríður Ósk Kristjánsdóttir óperusöng við óperudeild Royal College of Music í Lundúnum og útskrifaðist með Artist Diploma árið 2008 og hlaut meistaragráðu ári síðar. Kennarar hennar hérlendis voru Anna Þorgrímsdóttir og Rut Magnússon og nú nemur hún söng hjá Russell Smythe.
      Sigríður hefur komið fram sem einsöngvari m.a. í Royal Albert Hall, Kings Place og St. Martin in the Fields. Af óperuhlutverkum má nefna Tisbe í Öskubusku eftir Rossini, Aðra dömu í Töfraflautunni, Cherubino í Brúðkaupi Fígarós og Arbate í Mitridate - allt eftir Mozart - og Arcano í Teseo eftir Händel. Í haust mun hún syngja Þriðju dömu í uppfærslu Íslensku Óperunnar á Töfraflautunni. Nýverið söng hún ásamt Dame Emma Kirkby og Southbank Sinfóníunni í Cadogan Hall í London.
      Sigríður kemur reglulega fram á ljóða- og óratóríutónleikum og söng inn á diskinn Engel Lund Book of Folk Songs með the Lieder Theatre London sem Nimbus Records gaf út.

Hrönn Þráinsdóttir nam píanóleik hjá Erlu Stefánsdóttur við Tónmenntaskólann í Reykjavík og hjá Jónasi Ingimundarsyni við Tónlistarskólann í Reykjavík og lauk burtfararprófi 1998. Hún nam við Tónlistarháskólann í Freiburg og lauk þaðan diplóma kennaraprófi vorið 2004 og tók meðleik við ljóðasöng sem aukafag. Kennarar hennar voru Dr. Tibor Szász í píanóleik og Hans-Peter Müller við ljóðasöngdeild. Að því loknu nam hún við ljóðasöngdeild Tónlistarháskólans í Stuttgart undir handleiðslu Cornelis Witthoefft og lauk sérhæfðu diplóma sumarið 2007.
      Hrönn hefur komið fram á tónleikum víða, m.a. í Þýskalandi, Austurríki, Ítalíu og á Íslandi, sem einleikari, meðleikari og við flutning kammertónlistar. Hún er meðlimur kammersveitarinnar Ísafold, hefur tekið þátt í ýmsum hátíðum eins og Ung Nordisk Musik 1998, 2002 og 2007 og var píanisti hátíðarinnar Berjadaga á Ólafsfirði í ágúst síðastliðnum. Hrönn kennir við Söngskólann í Reykjavík og Tónlistarskólann í Reykjavík.

---

English:
Next concert in Sigurjón Ólafsson Summer Concert Series, Tuesday August 9th at 20:30.
Sigríður Ósk Kristjánsdóttir mezzo-soprano and Hrönn Þráinsdóttir piano.
„Nordic melodies - tan da ra dei!“ Songs by Icelandic and Scandinavian composers including E. Griegs 'Sechs Lieder' op. 48.

Sigríður Ósk Kristjánsdóttir graduated from the Reykjavík College of Music where she studied with Anna Þorgrímsdóttir and Rut Magnússon. She graduated as a teacher of piano as well as with a diploma in singing. She furthered her studies at the International Opera School of the Royal College of Music in London, graduating with an Artist Diploma in 2008, and receiving her MMus in 2009. Currently Sigríður studies with Russell Smythe.
      Sigríður gives recitals and performs oratorios mainly in the UK. She has performed at such venues as the Royal Albert Hall, Kings Place, Handel House and St. Martin in the Fields. Her opera roles include Tisbe in La Cenerentola by Rossini, Arbate in Mozart's Mitridate, Second Lady in the Magic Flute and Cherubino in the Marriage of Figaro, as well as Arcano in Handel's Teseo. Recently she appeared with Dame Emma Kirkby and the Southbank Symphony Orchestra in Cadogan Hall in London.
      Sigríður has recently recorded the Engel Lund Book of Folk Songs at the Lieder Theatre London for Nimbus Records.

Pianist Hrönn Þráinsdóttir graduated from the Reykjavík College of Music in 1998. She continued her studies in Germany at the Music Academy of Freiburg, where her principal teachers were Prof. Dr. Tibor Szász and Prof. Hans-Peter Müller. She graduated in 2004 with a diploma in music performance, lied-accompaniment and music education. In 2007 she received a Master's degree from the faculty of lyrics at the Music Academy of Stuttgart, after studying there with Prof. Cornelis Witthoefft.
      Hrönn has given concerts and accompanied singers in Iceland, Germany, Italy and Austria. She performs contemporary music, (e.g. at the Young Nordic Music Festival in 1998, 2002 and 2007), and she is a member of the Ísafold Chamber Orchestra in Reykjavík which concentrates on modern music. She teaches at the Reykjavík Academy of Singing and Vocal Arts and the Reykjavík College of Music.

---

fréttatilkynningu lokið / end of release