Sýningar og viðburðir - í öfugri tímaröð
10. febrúar - haust 2012

Áfangar
lykilverk eftir
Sigurjón Ólafsson
 Sigurjón Ólafsson
Börn að leik. LSÓ 206		 ÁFANGAR - nokkur lykilverk eftir Sigurjón Ólafsson spannar rúmlega 50 ára tímabili um miðbik liðinnar aldar. Elst verka á sýningunni er lágmynd af tveimur systrum sem Sigurjón gerði 1929, á fyrsta námsári sínu í Listaháskólanum í Kaupmannahöfn. Safninu var nýlega gefin hún og hefur hún ekki áður verið sýnd hér á landi. Yngstu verkin á sýningunni eru frá síðustu æviárum Sigurjóns.

Á sýninguna voru valin verk sem eru einkennandi fyrir ákveðin tímabil, eða sem marka upphaf að nýjum viðhorfum og straumum í list Sigurjóns. Sérhverju verki fylgir skýringartexti ritaður af Birgittu Spur.

Sýningin opnar á safnanótt í Reykjavík
17. september - 27. nóvember 2011

Hryggjarstykki
skúlptúrar Svövu Björnsdóttur
 Svava Björnsdóttir
Svava Björnsdóttir		 Sýning á nýjum verkum eftir Svövu Björnsdóttur úr pappírsbeðmi ásamt verkum eftir Sigurjón sem hún hefur valið.

    Sum verka Svövu eru efnismikil og hafa einkenni rýmisverka, en önnur virka eins og sambland af skúlptúr og málverki, þar sem litir og form mynda ljóðræðna heild. Svava tekur ávallt mið af sýningarrýminu sjálfu, og vinnur verk sín gagngert með sýningaraðstöðuna í huga; hún lætur verkin virkja rýmið og úr verður ný myndræn upplifun.
Veggspjöld

Á neðri hæð safnsins eru valin verk eftir Sigurjón Ólafsson.
UTAN SAFNS
11. september - 23. október 2011

Íslenskir módernistar og Kai Nielsen

í Listasafninu í Svendborg á Fjóni 		SAK
Svendborg Amts Kunstforening
á Fjóni, Danmörku
Ferðamannaupplýsingar		 Valin verk eftir myndhöggvarana Kai Nielsen og Sigurjón Ólafsson, vatnslitamyndir eftir Hafstein Austmann og Björgu Þorsteinsdóttur og málverk eftir samtímamenn Sigurjóns, Þorvald Skúlason, Nínu Tryggvadóttur, Guðmundu Andrésdóttur og Kristján Davíðsson.


• Um Listasafnið í Svendborg á Fjóni
• Um sýninguna
• Dómur um sýninguna í Kunstavisen 9 2011
• Um Tónleika í tengslum við sýninguna: "Myndir í tónlistinni" í Borgerforeningen 29. september
11. febrúar - 28. ágúst 2011

Súlur Sigurjóns

og

„Íslendingur“
 Dreki LSÓ 094
Dreki LSÓ 094		 „Súlan í ýmsum myndum er eitt grundvallarstefið í myndhugsun Sigurjóns Ólafssonar myndhöggvara allt frá fyrstu sjálfstæðu verkum hans í Kaupmannahöfn á fjórða áratug liðinnar aldar [t.d. Stofninn] til síðustu verka hans árið 1982.“
Auður Ólafsdóttir: Íslandsmerki og súlur Sigurjóns, LSÓ, 1994

Meðal þekktustu súlna Sigurjóns eru án efa „Monumental“ verkin Íslandsmerki á Hagatorgi og Öndvegissúlur við Höfða. Á þessari sýningu er sjónum hins vegar beint að völdum trésúlum Sigurjóns frá síðustu æviárum hans með tilbrigðum sem sýna hugmyndaauðgi listamannsins.


Safnanótt í Reykjavík óskaði eftir að söfn fjölluðu um þemað „Íslendingur“. Listasafn Sigurjóns setti á stall þekkt portrett af móður Sigurjóns sem var sönn íslensk alþýðukona sinnar tíðar ásamt upplýsingaspjöldum um hana.
16. september - 28. nóvember 2010

„Erlingur minn, hvað ertu nú að gera?“
Höggmyndir Erlings Jónssonar og Sigurjóns Ólafssonar		 „Erlingur Jónsson myndlistarmaður var tíður gestur í vinnustofu Sigurjóns á Laugarnesi. Kom hann til að aðstoða Sigurjón eða leita álits hans, og oft færði hann Sigurjóni efni í tréskúlptúra - göfugan við úr fjárlægum löndum. Það þurfti lítið fyrir Erlingi að hafa, hann kom og fór fyrirvararlaust eins og fuglinn fljúgandi, en ávallt fylgdi honum sérstakur andblær þess manns, sem lifir og hrærist í heimi myndlistar, tónlistar og bókmennta. Mér er til efs að aðrir hafi verið jafnt nálægt sköpunar- og vinnuferli Sigurjóns og Erlingur var á þeim árum“
[Birgitta Spur, úr formála að sýningarskrá]

Engum hefur verið betur treyst til að endurgera eða stækka verk Sigurjóns og í viðtali sem Aðalsteinn Ingólfsson listfræðingur á við Erling og birt er í sýningarskrá er fjallað um þennan þátt í ævistarfi Erlings.

Erlingur Jónsson fæddist árið 1930 í Móakoti á Vatnsleysuströnd og starfaði lengi á Suðurnesjum og í Reykjavík sem farsæll og dáður kennari í mynd- og handmennt, en flutti til Noregs upp úr 1980 og lauk prófi til lektorsgráðu í myndmenntun árið 1982 frá Telemark Lærerhøgskole Notodden. Næstu árin kenndi hann í framhaldsskólum í Ósló en undanfarið hefur Erlingur eingöngu sinnt eigin listsköpun og má sjá verk hans á opinberum vettvangi bæði í Noregi og á Íslandi.
12. febrúar - 5. september 2010

 Hver er maðurinn?
og
Stund hjá Sigurjóni
afmælissýning í Laugarnesi

Hver er maðurinn? - Í efri sal safnins.

Á safnanótt í Reykjavík þann 12. febrúar 2010 var sett upp portrettsýning með níu kunnum íslendingum og var gestum boðið að reyna að þekkja þá. Átján af þeim 36 sem svöruðu gátu rétt.

Gestir safnsins geta enn spreytt sig á spurningaleiknum þótt ekki séu veitt verðlaun nú.

Stund hjá Sigurjóni.
Framhald fyrri sýningar, lítillega breytt.

21. október 2008 - 5. september 2010

Stund hjá Sigurjóni
afmælissýning í Laugarnesi

 Tilefni sýningarinnar er að þann 21. október 2008 voru liðin 100 ár frá fæðingu listamannsins og þá voru einnig 20 ár frá því að safn hans á Laugarnesi var opnað almenningi.

Sýningin er sérstaklega ætluð börnum í fylgd fullorðinna. Gestir fá afhent spjöld með spurningum og upplýsingum sem veita nýja sýn á listaverkin og hvetja til umræðu um þau.

Sýningin er hluti af Vetrarhátíð í Reykjavík 2009.
4. okt. - 9. nóv. 2008

Sigurjón og Þorvaldur
- tveir módernistar

Sýning í Hafnarborg, menningar- og listastofnun Hafnarfjarðar





Utan safns


Ljósmyndir frá sýningunni

Sýning á höggmyndum eftir Sigurjón Ólafsson og málverkum og teikningum eftir Þorvald Skúlason. Að sýningunni stóðu Listasafn Sigurjóns og Listasafn Háskóla Íslands. Nánar hér

Í tengslum við sýninguna var gefin út 48 síðna myndskreytt sýningarskrá með greinum eftir Gunnar J. Árnason og Auði Ólafsdóttur.

Einnig hefur verið gefinn út DVD geisladiskur með þremur heimildamyndum um Sigurjón Ólafsson
Hesten på Kongens Nytorv.
    Um endurgerð riddarastyttunnar á Kóngsins Nýjatorgi í Kaupmannahöfn.
Saga af lágmynd.
    Um veggmyndir Sigurjóns á Búrfellsstöð.
Þessir kollóttu steinar.
    Heimildamynd um andlitsmyndir Sigurjóns.

Á sýningunni verður hægt að skoða kvikmynd um Þorvald Skúlason frá árinu 1978 og þær þrjár kvikmyndir um Sigurjón sem getið er um hér að ofan.
26. sept. - 31. des. 2008

Friðriksborgarhöll á Sjálandi

Det Nationalhistoriske Museum på Frederiksborg Slot

Portrett Sigurjóns

Utan safns 		Sýning á 26 andlitsmyndum eftir Sigurjón íhinu þekkta safni í Friðriksborgarhöll í Hillerød á Sjálandi. Samhliða sögulegri sýning um tengsl Danmerkur og Íslands.

Þann 18. september kom út 128 síðna rit, Billedhuggeren Sigurjón Ólafsson og hans portætter, þar sem danski listfræðingurinn Charlotte Christensen fjallar um portrettlist Sigurjóns og þýðingu hans fyrir danskt menningarlíf á þeim árum sem hann nam og starfaði í Danmörku, frá 1928 til 1945. Ritinu fylgir sýningarskrá með ljósmyndum af öllum verkunum á sýningunni og myndskreytt æviágrip Sigurjóns. Bókin er í tveimur útgáfum, danskri og enskri.

Ljósmyndir frá sýningunni

14. júní - 31. ágúst 2008

Búrfellsvirkjun

Utan safns

Sýning í stöðvarhúsi Búrfellsvirkjunar á verkum Sigurjóns Ólafssonar sem tengjast stóru veggmyndum hans þar. Sýningin er opin síðdegis í allt sumar og er ókeypis aðgangur. Gefinn var út einblöðungur á íslensku og ensku sem hér má nálgast.

5. apríl - 7. september 2008

Vor og sumarsýning

Úr fórum safnsins

Sýning á verkum Sigurjóns sem var sett upp í tilefni heimsóknar krónprinshjónanna dönsku, Friðriks og Mary, 5. maí 2008. Ljósmyndir
23. febrúar 2007 - 30. nóvember 2007

www.lso.is
- grunnskólanemar velja verk á sýningu í Listasafni Sigurjóns Ólafssonar


Víkingur LSÓ 162

Heildarskrá listaverka Sigurjóns Ólafssonar, sem var gefin út á prenti á árunum 1998 og 1999, hefur nú verið færð á vefinn. Til að kynna netskrána var grunnskólanemum boðið að skoða ákveðið úrtak úr henni og hver og einn mátti velja sér eitt listaverk sem hann óskaði eftir að sjá á þessari sýningu. Ætlast var til að óskinni fylgdi texti, rökstuðningur, túlkun á listaverkinu, hughrif við skoðun á því, ljóð, prósi eða annað slíkt. Myndmenntakennarar grunnskólanna aðstoðuðu nemendur við verkefnið.
    Safninu bárust um 100 óskir og er aðeins pláss til að sýna um helming þeirra verka sem valin voru. Við endanlegt val verka var tekið tillit til texta nemendanna og einnig heildarsvips sýningarinnar.
    Valin textabrot úr bréfunum má sjá í sýningarskrá. Við opnun sýningarinnar voru veitt verðlaun fyrir bestu textana

17. september - 30. nóvember 2006

Hjól - Plógur - Vængir
Gestasýning


Hallsteinn Sigurðsson  

Ný málmverk eftir Hallstein Sigurðsson myndhöggvara

Um verk Hallsteins kemst Jón Proppé svo að orði í sýningarskrá:  Verk hans eru langflest unnin í málm, einkum járn og ál, og báru framan af sterk einkenni módernismans, líkt og til dæmis síðari verk þeirra Ásmundar Sveinssonar og Sigurjóns Ólafssonar. Nýrri verk Hallsteins eru gjarnan léttar formstúdíur þar sem hann notar granna teina og kúpta fleti til að teikna upp form og hreyfingar í rýinu. Léttleiki og tær myndhugsun eru aðall Hallsteins og innra rými verkanna er opið, afmarkað með fáum en skýrum dráttum.

Fréttatilkynning með myndum    Grein Jóns Proppé í sýningarskrá

27. maí - 2. september
2006

Sumarsýning

 

Úrval skúlptúra og portretta eftir Sigurjón Ólafsson

24. febrúar (safnanótt) -
14. maí 2006

Út á skýjateppið
 Draumsæi og náttúrufar þriggja listforma

Helga Pálína Brynjólfsdóttir
Berglind Gunnarsdóttir og Sigurjón Ólafsson


Helga Pálína Brynjólfsdóttir
Tóftir

 Á sýningunni mætast þrjú ólík efnisform: tré- og koparverk Sigurjóns Ólafssonar, textílar Helgu Pálínu Brynjólfsdóttur og ljóð Berglindar Gunnarsdóttur. Verkin lýsa náttúrufari draums og jarðar; í ljóðunum er brugðið upp myndum af nokkrum stöðum í Reykjavík, m.a. Laugarnesinu. Verk Sigurjóns veita hinum efnisformunum aukið þyngdarafl, á meðan loftkennt eðli ljóðsins undirstrikar draumsæi viðarmyndanna og textílverkanna.

Fréttatilkynning

4. - 19. febrúar 2006
Úr fórum safnsins
  

Listaverk eftir Sigurjón Ólafsson

Haustsýning 2005
16. sept - 27. nóv

Hraunblóm
Lavaens blå blomst

Carl-Henning Pedersen, Else Alfelt,
Svavar Guðnason og Sigurjón Ólafsson


Else Alfelt
Lavaens blaa Blomst

Sýning á vatnslitamyndum og olíukrítar- og tússverkum dönsku COBRA listamannanna Else Alfelt og Carl-Henning Pedersen sem þau hjónin gerðu er þau dvöldu hér á landi sumarið 1948. Einnig verða sýnd verk Svavars Guðnasonar og Sigurjóns Ólafssonar frá sama tíma.

Í sýningarskrá fjallar Aðalsteinn Ingólfsson um veru hjónanna hér á landi og áhrif komu þeirra á íslenska list og listamenn að loknu stríði. Þá rita Æsa Sigurjónsdóttir og Hanne Lundgren, forstöðukona listasafns þeirra hjóna í Herning í Danmörku, greinar um líf og starf listamannanna.
Fréttatilkynning með myndum
Myndir frá sýningunni

Skólaheimsóknir

Sýningarferli:
Listasafn Sigurjóns, 17. sept - 27. nóv 2005
Listasafnið á Akureyri 14. janúar - 26. febrúar 2006
Carl-Henning Pedersen og Else Alfelts Museum, Herning 7. apríl -14. maí 2006
Norðurbryggja, Kaupmannahöfn 2. nóvember 2006 - 15. janúar 2007.

                 

5. febrúar - 4. september 2005

Aðföng, gjafir
 og lykilverk eftir Sigurjón Ólafsson

Safn 23 listaverka eftir Sigurjón Ólafsson sem spanna allt skeið hans sem listamanns. Verkin eru ólík í stíl, gerð og úr mjög mismunandi efnum. Flest þeirra eru ný í eigu safnsins, hafa verið gefin eða seld safninu á undanförnum áratug. Með þeim er stillt upp tveimur verkum sem fengin hafa verið að láni til safnsins. Fjölritaður bæklingur með texta um hvert listaverk fylgir sýningunni.




Skúlptúr LSÓ 259 frá 1939, sem ekki hefur verið sýndur opinberlega fyrr

Mánasigð
Isle Hessner

Sýningaryfirlit:
10.09.04 - 28.11.04
Listasafn Sigurjóns Ólafssonar

18.03.05 - 16.05.05
Johannes Larsen safnið í Kerteminde

27.06.05 - 14.08.05
Þjóðminjasafnið í Nuuk á Grænlandi

Isle Hessner er fædd í Nanortalik á Grænlandi og hlaut sína fyrstu menntun við Listaskólann í Nuuk, en hefur einnig stundað nám við listaskóla í Reykjavík, Kaupmannahöfn, Helsinki, Nova Scotia og Colorado. Isle er talinn einn helsti brautryðjandi grænlenskrar nýlistar og hafa verk hennar ávallt vakið mikla athygli. Hún hefur tekið þátt í mörgum virtum samsýningum, meðal annars farandsýningunni Den flyvende kajak, sem fór um Grænland, Spán, Noreg, Svíþjóð, Pólland og Danmörku á árunum 1994 - 1997. Verkin sem hún sýnir á Mánasigð eru öll gerð 2004 fyrir þessa sýningu og hlaut hún til þess styrk frá Grænlensku heimastjórninni.
   Sýningarskrá á fjórum tungumálum (íslensku, dönsku, grænlensku og ensku) hefur verið gefin út með greinum, m.a. eftir einn virtasta sérfræðing um grænlenska list, Bodil Kaalund.
   Grænlenski dansinn er órofa tengdur grænlenskri menningu og var honum gerð skil á sýningunni. Grænlenska sviðslistakonan Jessie Kleemann kom fram í safninu 25. og 26. september og tvinnaði saman dans og hljóð við skúlptúra sýningarinnar.

(Utan safns)
10. - 15. maí 2004


Master Portrait
í London

Árlega velur félag breska myndhöggvara The Society of Portrait Sculptors Meistaraverk meðal listaverka liðinna portrett listamanna.
Árið 2004 varð andlitsmynd Sigurjóns Móðir mín (1938) fyrir valinu og var hún á sýningu félagsins FACE 2004 í sýningarsalnum Cork Street 28 í London.

Gefin var út 96 bls. sýningarskrá með grein um Sigurjón eftir Aðalstein Ingólfsson. Sérprent af greininni er fáanlegt í LSÓ.

Ríkislistasöfnin í Reykjavík, Kaupmannahöfn og Stokkhólmi eiga bronseintak af verkinu. Bronsmynd í eigu LSÓ verður á sýningunni.

25. október 2003 - 5. september 2004

Listaverk Sigurjóns Ólafssonar í alfaraleið


Ljósmyndir af verkum Sigurjóns í opinberu rými ásamt höggmyndum sem tengjast þeim. Í tengslum við Málþingið í Norræna Húsinu 18. október 2003.

18. október 2003
Málþing

Sigurjón Ólafsson og list á almannafæri


Málþing í Norræna húsinu í tilefni þess að þann 21. október voru liðin 15 ár frá því að Listasafn Sigurjóns á Laugarnesi var opnað almenningi.

Dagskrá á ensku

31. ágúst - 28. september 2003


Meistarar formsins
Úr höggmyndasögu 20. aldar

Í samvinnu við Listasafnið á Akureyri

Perlur eftir helstu módernista í evrópskri höggmyndasögu, fengnar að láni úr þýska ríkislistasafninu í Berlín. Þar á meðal eru verk eftir Degas, Archipenko, Maillol, Moore, Marino Marini, Manolo, Laurens, Renoir, Barlach, Kollwitz, Hartung og samtímalistamennina Sol LeWitt, Schwegler, Per Kirkeby og Axel Lischke.

Einnig verk eftir brautryðjendur íslenskrar höggmyndalistar, þá Einar Jónsson, Ásmund Sveinsson, Sigurjón Ólafsson og Gerði Helgadóttur.

Listasafnið á Akureyri gaf út sýningarskrá á íslensku og ensku.

Kennarar eru hvattir til að hafa samband við safnstjóra (sími 553 2906) vegna skólaheimsókna.

Kennsluefni fyrir framhaldsskólanemendur
Kennsluefni fyrir grunnskólanemendur

1. júní - 21. ágúst 2003

Andlitsmyndir og afstraksjónir

 

 

Sýning á 13 völdum portrettum og jafnmörgum afstraktverkum eftir Sigurjón Ólafsson.

Sigurjón er talinn meðal helstu portrettlistamanna samtímans og þótt hann hefði einnig verið meðal frumkvöðla afstrakt höggmyndalistar í Danmörku var mannslíkaminn honum ætíð hugleikinn.

Sýningarskrá á pdf formi

5. apríl - 4. maí 2003


STERLING STUFF

Höggmyndir úr silfri frá Englandi
Höggmyndir Sigurjóns Ólafssonar


Smáskúlptúrar eftir 51 listamann, þar af tvo íslenska, þau Pétur Bjarnason og Jóhönnu Þórðardóttur. Sýningin kom frá bresku bronssteypunni Pangolin Edition og var í galleríi þeirra, Gallery Pangolin síðla árs 2002. Hér bættist við sýninguna ný silfurafsteypa af verki Sigurjóns: Hávaðatröllið (LSÓ 197) sem steypt var hjá Pangolin. Að lokinni sýningunni í Listasafni Sigurjóns verður hún sett upp í Konunglega Listaháskólanum, The Royal Academy of Fine Arts, í London.

Pangolin Edition gaf út sýningarskrá með sýningunni
Ávarp Birgittu spur við opnun sýningarinnar

5. okt. 2002 - 30. mars 2003
Andlitsmyndir og afstraksjónir
Sýning á verkum Sigurjóns Ólafssonar

 

Sjá ofar

 

6. júlí - 22. september 2002


Hin hreinu form
Höggmyndir Sigurjóns Ólafssonar

Sumarsýning Listasafns Sigurjóns Ólafssonar nefnist Hin hreinu form og þar verða til sýnis höggmyndir eftir Sigurjón Ólafsson frá 45 ára tímabili. Elsta verkið, Fótboltamenn frá 1936 (LSÓ 247), er dæmi um hvernig listamaðurinn vann hin stóru, plastísku form af ótrúlegri nákvæmni og leikni, enda vakti verkið gífurlega athygli á sínum tíma. Þetta lykilverk var gefið safninu fyrir nokkru, en það hafði verið í einkaeigu í Danmörku í 55 ár og kom í leitirnar sumarið 1991, þegar haldin var farandsýning í Danmörku á verkum Sigurjóns.

Flest önnur verk á sýningunni eru abstrakt og unnin í stein, tré og málm. Þau bera höfuðeinkenni Sigurjóns; frjótt ímyndunarafl, djúpan skilning á efniviðnum og snilldarlegar aðferðir listamannsins við að yfirfæra hugmyndir í efni. Í verkunum er áhrifamikið samspil forms og efnis, milli hins stórbrotna og hins smágerða, en heildaráhrifin eru borin uppi af stórum, hreinum formum.

  23. maí - 30. júní 2002

 Konan -
Maddama, kerling,
fröken, frú...



Framlag LSÓ til
Listahátíðar í Reykjavík 2002

Á starfsferli sínum vann Sigurjón Ólafsson mörg verk sem lýsa konunni. Eru þau fjölbreytt og eiga sér marga túlkunarfleti og hefur sérhver kynslóð tækifæri til að skoða þau og upplifa út frá eigin forsendum.

Á þessari sýningu fá safngestir að sjá og heyra hvernig ellefu íslensk ljóðskáld, allt konur, túlka jafnmargar konumyndir Sigurjóns sem eru á sýningunni. Hver skáldkvennanna hefur samið ljóð eða prósatexta um sitt verk og gefst gestum kostur á að hlýða á hljóðupptöku af lestri þeirra um leið og sýningin er skoðuð. Gefinn var út geisladiskur með ljóðalestrinum ásamt prentuðum bæklingi með ljóðunum og ljósmyndum af listaverkunum.

Skáldkonurnar eru:
Elísabet Jökulsdóttir, Fríða Á. Sigurðardóttir, Guðrún Eva Mínervudóttir, Ingibjörg Haraldsdóttir, Kristín Ómarsdóttir, Linda Vilhjálmsdóttir, Margrét Lóa Jónsdóttir, Sigurbjörg Þrastardóttir, Vigdís Grímsdóttir, Vilborg Dagbjartsdóttir og Þórunn Valdimarsdóttir.

10. nóvember 2001
til
5. maí 2002

Kynlegir kvistir
Sigurjón Ólafsson

Safnið er lokað í desember og janúar

Sýning vetrarins er tvískipt. Annars vegar eru tímamótaverk Sigurjóns Ólafssonar frá ýmsum skeiðum á listferli hans og hins vegar frjáls verk, þar sem listamaðurinn gaf ímyndunaraflinu lausan tauminn. Lífsgleði og kímni eru alls ráðandi í þeim leik að efninu sem hann náði valdi á í allmörgum verkum sínum frá árunum 1930-40.

Nánar

1. september - 28. október 2001

 Speglanir
Helgi Gíslason myndhöggvari

Helgi Gíslason sýndi ný verk sem hann hafði sjálfur unnið í brons. Tengdust þau fyrri verkum hans þar sem viðfangsefnið er maðurinn og mannslíkaminn.

Sýningarskrá fylgir sýningunni

 

1. júní - 31. ágúst 2001
Hefð og Nýsköpun

Sumarið 2001 eru sýnd valin verk frá þrjátíu ára tímabili (1930-1960) í list Sigurjóns. Frá árinu 1928-1945 starfaði hann í Danmörku og varð meðal brautryðjenda abstraktlistar þar í landi. Af áræðni gekk hann þvert á hefðbundnar leiðir, en vann jafnhliða eftirminnilegar andlitsmyndir og styttur í raunsæjum stíl. Á árunum 1941 - 45 hjó hann tvær stórar styttur í granít fyrir Ráðhústorgið í Vejle á Jótlandi og marka þær uphafið að merku steinhöggstímabili sem stóð fram til loka sjötta áratugarins. Grásteinsmyndir Sigurjóns eru einstakar, þar gætir áhrifa frá ævafornum steinskúlptúrum, en einnig frá íslenskri náttúru og sagnahefð.

5. nóv. 2000 - 4. jan 2001
Hærra til þín /
Passionstoner

Listasafn Sigurjóns og Ásmundarsafn
(05.11.00-04.01.01)

Þórshöfn í Færeyjum
(20.01.01-18.02.01)

Sophienholm, Lyngby/Kph.
(08.03.01-22.04.01)

Museet på Sønderborg Slot
(04.05.01-12.08.01)

Museet for Religiøs Kunst med Bodil Kaalund Samlingerne í Lemvig á Jótlandi
(25.08.01-12.10.01)

Trúarleg minni í norrænni myndlist
Listaverk eftir Ásmund Sveinsson, Sigurjón Ólafsson, Samuel Joensen-Mikines, Hannah Ryggen, Jakob Weidemann, Olivia Holm-Møller, J.A. Jerichau, Robert Jakobsen og Svend Wiig-Hansen.

Í samvinnu við Listasafn Reykjavíkur - Ásmundarsafn og hér á landi var sýningarmununum deilt á þessi söfn. Sýningin var framlag safnanna til Kristnihátíðar á Íslandi og Reykjavíkur Menningarborgar Evróðpu árið 2000 og var valin á dagskrá þessara aðila.

Litprentuð Sýningarskrá, 80 síður, á íslensku og dönsku með greinum um sérhvern listamannanna. Í aðfaraorðum sem Bodil Kaalund, Birgitta Spur og Eiríkur Þorláksson rita sameiginlega segir:

„En trúarkenndin var enn sem fyrr til staðar, og á nýjum tímum voru hinar kristnu myndir enn nothæfar, þrátt fyrir nýjar hugsjónir og pólitísk viðhorf. Margir merkir listamenn unnu enn fyrir kirkjuna: Bror Hjort, Niels Larsen-Stevns, Henrik Sørensen, Nína Tryggvadóttir... Aðrir fóru hljótt með það, og það eru fulltrúar þeirra, sem sýningarnefndin hefur kostið að draga fram, hið trúarlega listaverk, sem varð til í leynum. Það var ekki pantað en varð til út frá innri nauðsyn og segir það sína sögu um einlæga túlkun listamannsins á hinum miklu afgerandi spurningum lífsins.“

1. júní - 29. október 2000
Valin verk eftir Sigurjón Ólafsson

28 valdar höggmyndir og ljósmyndir af 10 verkum. Auk þess veggspjaldasýning um sögu Laugarness í tengslum við námskeið fyrir 11-14 ára börn sem safnið stóð fyrir og nefndist Sagan í landslaginu - náttúra, búseta minjar og list.

1. júní 1999 - maí 2000
Spor í sandinn
Tracks in Sand

Yfirlitssýning á verkum Sigurjóns Ólafssonar.
21. okt. 1998 - vor. 1999
Sigurjón Ólafsson ævi og list. Yfirlitssýning		 Yfirlitssýning í LSÓ og Hafnarborg í tilefni útkomu fyrra bindis af ritinu Sigurjón Ólafsson ævi og list.

Sýningin í Hafnarborg opnaði 31. október og lauk á Þorláksmessu sama ár.
8.-30. ágúst 1998
Vinafundur
í efri sal safnsins

Málverk eftir vini Sigurjóns þau Guðmundu Andrésdóttur, Kristján Davíðsson, Þorvald Skúlason og Jóhannes Jóhannesson. Teflt saman við höggmyndir Sigurjóns á Sumarsýningu 1998

11. júlí - 2. ágúst 1998
Nína Tryggvadóttir
í efri sal safnsins		 Tuttugu og eitt afstrakt málverk frá árunum 1960-1967 í eigu Unu Dóru Copley, dóttur listakonunnar, teflt saman við skúlptúra Sigurjóns á "Sumarsýningu"
11. júlí - 31. ágúst 1998
Sumarsýning		 Úrval verka Sigurjóns Ólafssonar
Samhliða málverkasýningunum Nína Tryggvadóttir og síðar Vinafundur.

25. apríl - 5. júlí 1998
Úr málmi / Metalworks

gestasýning

Örn Þorsteinsson
Fimmtíu skúlptúrar og lágmyndir úr silfri, tini, brons, ál, járn og einnig vaxi.

Flest verkanna eru smámyndir, en einnig voru sýndar nokkrir stórir skúlptúrar úr ryðjárni. Listamaðurinn gaf út 48 síðna sýningarskrá, með stuðningi LSÓ, þar sem Aðalsteinn Ingólfsson ritar greinina "Fótspor hugsana".
september 1997 - apríl 1998

Svífandi form		 Tuttugu og fimm listaverk eftir Sigurjón Ólafsson frá 1937 - 1981. Leitast var við að tefla saman myndum þar sem léttleikinn ríkir og hin þrívíðu form virðast ögra sjálfu þyngdarlögmálinu.
13. júní 1997 - 1. september 1997

Gróandi		 Verk eftir Sigurjón sem bæði í formi og nafngiftum tengjast náttúru og gróðri.
7. septemer 1996 - vor 1997
Vetrarsýning		 Höggmyndir Sigurjóns Ólafssonar, sérstaklega valdar með tilliti til skólaheimsókna, þannig að heiti verkanna fælu í sér vísbendingar um hvernig mætti túlka þau. Var öllum skólum á Stór-Reykjavíkursvæðinu sent boð að senda skólahópa á sýninguna.
9. júní 1996 - 1. september 1996

Vættatal		 Samsýning á verkum Sigurjóns Ólafssonar og Páls á Húsafelli. Páll fékk frjálsar hendur um val á verkum Sigurjóns og hann vann mörg sinna verka gagngert fyrir þessa sýningu. Litprentuð 24 síðna sýningarskrá með greinum eftir Aðalstein Ingólfsson og Thor Vilhjálmsson.
27. janúar 1996 - 19. maí 1996
Valdar portrettmyndir		 Að nokkru leyti framhald af Þessir kollóttu steinar, en nú voru málverk fengin að láni frá Listasafni Íslands eftir Ásgrím Jónsson, Jóhannes Kjarval, Jón Stefánsson og Kristján Davíðsson af þekktum mönnum sem Sigurjón hafði mótað. Þannig mátti í efri sal safnsins sjá mismunandi túlkun myndhöggvara og málara af sömu fyrirmyndum.
26. ágúst 1995 - 17. september 1995
Textílverk		 Textílverk norsku listakonunnar Grete Borgersrud.
24. júní 1995 - 7. ágúst 1995

Einu sinni var...		 Klippimyndir eftir dönsku listakonuna Gunhild Skovmand. Í efri sal safnsins.

24 síðna sýningarskrá á íslensku og dönsku með aðfaraorðum eftir Birgittu Spur, "Þönkum" eftir listakonuna sjálfa og "um klippimyndir" eftir Hans Laumann þar sem meðal annars er fjallað um "gækkebreve".
22. apríl 1995 - 21. janúar 1996

Þessir kollóttu steinar		 Sýning á andlitsmyndum Sigurjóns, meðal annars til að vekja athygli á samnefndu myndbandi sem safnið hafði látið gera og mátti skoða á sýningunni. Það var tvívegis sýnt í Sjónvarpinu og árið 1994 hlaut það Silver Screen Award verðlaunin í flokki fræðslumynda á Alþjóðlegu kvikmyndahátíðinni í Chicago í Bandaríkjunum, US International Film and Video Festival.
25. febrúar 1995 - 20. mars 1995

Frá prímitívisma til póstmódernisma		 Höggmyndasýning í samvinnu við Hafnarborg, menningar- og listastofnun Hafnarfjarðar, sem var liður í norrænu menningarhátíðinni SÓLSTÖFUM.

Sýnd voru liðlega 40 verk eftir fimm norræna myndhöggvara, þá Bror Hjorth, Sigurjón Ólafsson, Mauno Hartman, Bjørn Nørgaard og Gunnar Torvund. Sýningin er með stærstu höggmyndasýningum sem settar hafa verið upp hérlendis og voru salarkynni beggja safna notuð.

Gefin var út 96 síðna samnefnd sýningarskrá.
3. júní 1994 - 15. janúar 1995
Íslandsmerki og súlur Sigurjóns		 Sýning unnin um Íslandsmerki (LSÓ 1278) á Hagatorgi sem Sigurjóni var falið að gera í tilefni af 25 ára afmæli lýðveldisins. Á sýningunni voru vinnuskissur að því verki og margar súlumyndir Sigurjóns. Samnefnd 72 síðna sýningarskrá með rannsóknarritgerð eftir Auði Ólafsdóttur.
2. október 1993 - 1. maí 1994
HUGMYND - HÖGGMYND,
úr vinnustofu Sigurjóns Ólafssonar 		Tilgangur þessarar sýningar var að lýsa ferli listaverks frá hugmynd til fullbúinnar myndar, og í því sambandi voru til sýnis frumdrög, skissur og ýmis verkfæri og tæki úr vinnustofu Sigurjóns. Sýningin var sérstaklega miðuð við skólanemendur þótt hún ætti erindi við alla aldurshópa.
29. maí 1993 - 31. ágúst 1993
Myndir í fjalli,
um tilurð listaverka Sigurjóns Ólafssonar við Búrfellsvirkjun1966 - 69 		Sýning á vinnuskissum og verkfærum ásamt nokkrum verkum Sigurjóns sem tengjast Búrfellsmyndunum, (Búrfellsvirkjun LSÓ 1232 og Hávaðatröllið LSÓ 1243) eða mótívum sem sjá má í þeim. Einnig var sýnt myndband Ásgeirs Long um tilurð verkanna, sem hann gerði fyrir Landsvirkjun.
31. maí 1992 - 1. október 1992>
Æskuverk Sigurjóns		 Sýning í tengslum við Fjölskyldudagar á Laugarnesi (31.05.92-16.06.92). Í efri sal safnsins voru sýndar teikningar sem Sigurjón gerði á unga aldri, úr gjöf hjónanna Gísla Ólafssonar (bróður Sigurjóns) og Kristínar Einarsdóttur, en í neðri sal nokkur öndvegisverk hans sem ekki voru viðkvæm fyrir snertingu barna. Að lokinni sýningunni í safninu voru Æskumyndir Sigurjóns sýndar í samkomuhúsinu Stað á Eyrarbakka vikuna 17. - 25. október.
7. nóvember 1992 - vor 1993
Vetrarsýning		 Höggmyndir úr fórum safnsins.
21. október 1991 - 3. maí 1992
Sigurjón Ólafsson - Danmark Island		 Yfirlitssýning á verkum Sigurjóns sem LSÓ stóð fyrir. Sýnd í Kastrupgaardsamlingen København (13.04.91 - 09.06.91), Vejle Kunstmuseum (15.06.91 - 24.07.91) og Silkeborg Kunstmuseum (01.08.91 - 01.09.91).

Með sýningunni fylgdi 108 síðna sýningarskrá á dönsku og íslensku.
3. júní 1990 - 30. september 1991
Andlitmyndir Sigurjóns		 Fyrsta sérstaka sýning á andlitsmyndum Sigurjóns. Á sýningunni voru 27 portrett og ljósmyndir af 19 öðrum.

Sýningarskrá
21. október 1989 - 6. maí 1990
Málmverk og aðföng		 Málmverk sem Sigurjón vann á Reykjalundi á árunum 1960 - 62 og gjafir sem safninu höfðu borist undanfarin ár. Samnefnd sýningarskrá, meðal annars með grein eftir Aðalstein Ingólfsson um það sem hann nefnir „járnöldina“ í list Sigurjóns.
1. ágúst 1989 - 1. október 1989
Hundadagar '89		 Gestasýning í efri sal safnsins: Andlitsmyndir Kristjáns Davíðssonar. Í samvinnu við Tónlistarfélag Kristskirkju og Alþýðuleikhúsið.
21. október 1988 - lok júlí 1989 Yfirlitssýning á verkum Sigurjóns í tilefni af opnun safnsins.